[ad_1]
رد عدد من الممرضات على اتهامات النجمة منة شلبي للممرضتان اللتان رعيتا والدتها واتهمتها بالإهمال.
ودشن عدد من الممرضات هشتاج للتعبير عن رفضهم لاتهامات منة شلبي لزميلاتهما، ومن بينها #منة_شلبي_عنصرية، و#نقابة_التمريض_عايزين_حقنا و#زعلانين_من_منة_شلبي، ومن بينهم ميار رضا، ممرضة أدعت أنها عملت بالفعل لدى منة شلبي، وكتبت عبر حسابها بموقع Facebook: “أنا مش قادرة أصدق كمية الظلم اللي بيتعرض ليه فئة التمريض في البلد دي، تخيل تبقى سايب أهلك
وبيتك ومننا ولاده، وفجأة تتحط في مكتب أمن وبعدها تترحل على النيابة عشان أنت غلبان، ومش ابن فنان ولا مسئول في البلد عشان يبعدوا الظلم عنك، الكلام دا عن لساني أنا وأنا اشتغلت مع منة شلبي”.
وتابعت: أنا عارفة طريقتها السادية، واللي بتعمله مع التمريض، وفي الآخر لمجرد لسعة غير مقصودة من قربة ماية حرارية هي اللي طلبت تتحط لمامتها، تحبس بنتين وتقعدهم في مكتب أمن كأنهم حرامية أو سرقوها، وأكتر من حد يحاول يتواصل مع الفنانة لأن الموضوع بسيط وغير مقصود بس بلاش النيابة، لكن هي بعد ما خلصت إهانة وسب وألفاظ وشتايم زي اللي دايما بيحصل في بيتها وديتهم على القسم، وحاليا في النيابة بيتحقق معهم.
وأضافت: عارفة أن نقابتنا مش هتسمع لينا، ولا هيتجاب حقنا في البلد دي، عشان كدة بنسبها ونسافر ومابنبقاش طايقين العيشة فيها، بجد حزينة على البنات وما باليد حيلة”.
وعلق أخريات على أحد المنشورات كاتبين أنهن بالفعل عملن لدى منة شلبي، وكتبت إحداهن: “الصراحة أنا كمان شوفتها صعبة جدا، وبردو كان موضوع أهبل وبهدلت التمريض بسبب كانيولا عشان ايد والدتها احمرت شوية مكانها وشتمت المستشفى ومشيت”.
يذكر أن منة شلبي حررت محضرًا، بقسم ثانٍ الغردقة، يحمل رقم 549 لسنة 2022 جنح ثان الغردقة، لقسم ثانٍ الغردقة، اتهمت فيه ممرضتين تتبعان إحدى المنشآت الطبية بالجونة بالإهمال والتراخي وعلاج والدتها بالخطأ، بعد إصابتها بجرح غائر، إلى أن تدهورت حالتها الصحية، بدلًا من أن تتحسن.
[ad_2]
