[ad_1]
11:55 م
الثلاثاء 15 فبراير 2022
كتب – معتز عباس:
ناشدت الإعلامية بسمة وهبة، هاني شاكر نقيب المهن الموسيقية، بالعفو عن حمو بيكا مؤدي المهرجانات والسماح له بالغناء في مصر، بسبب حالته الصحية المتدهورة.
وقالت “وهبة”، خلال برنامج “90 دقيقة”، المذاع على قناة “المحور”، اليوم الثلاثاء: “فين روح الفنان اللي بنستجديها منك يا أستاذ هاني؟ فين الإنسانية؟، أرجوك أن تسامح حمو بيكا وتسمح له بأن يغني مرة أخرى بضوابط ويحصل على التصريح”.
ووجهت مقدمة البرنامج رسالة لنقيب المهن الموسيقية، قائلة: “أنا بحبك جدا والاختلاف في الرأي لا يفسد للود قضية، ده أنا جالي جلطة لما اتكلمت عنك، اتكلمت من هنا ونقلوني على المستشفى، قلت إنك بترفض المهرجانات وتشجع الراب رغم أن كل أغانيه كلمات مسيئة وأنا خايفة على بنتي”.
وأضافت: “أنا بحبك وأستسمحك .. حمو بيكا غلبان بتعبه، انت ملك الإحساس يا أستاذ هاني أتمنى ندرس حالته الإنسانية ونتمنى أن يتسع صدرك لنا، ألف سلامة عليك يا بيكا وربنا يشفيك”.
ووجهت الإعلامية رسالة إلى المتنمرين بحمو بيكا، قائلة: “الناس اللي بيتنمروا عليه حرام عليهم لأن ده ابتلاء وجايز كل واحد فينا يبقى في المكان ده، لكن برضو عندي رسالة لكلا من حمو بيكا وعمر كمال وحسن شاكوش، ليه عاملين شقاوة ومشاكل دايما .. اهمدوا وخليكم في شغلكم”.
[ad_2]
