[ad_1]
12:03 م
الثلاثاء 07 ديسمبر 2021
كتب- عبد الفتاح العجمي:
انتقدت الفنانة سميرة عبد العزيز، عضو مجلس الشيوخ، إطلاق مطربي المهرجانات على أنفسهم أسماء غريبة.
وقالت عبد العزيز، في حوار ببرنامج “مصر جديدة” عبر قناة ETC: “واحد اسمه شاكوش! ما هذا الغباء إن واحد بيغني بيسمي نفسه شاكوش! كأنه لما بيغني بيضربني بشاكوش! إزاي مطرب ويسمي نفسه شاكوش! ده لو كان اسمه الحقيقي كده يغيره، مش أبقى مطرب واسمه شاكوش! هنخبط على دماغكم يعني”.
أضافت: “أنا مع هاني شاكر في رأيه، دول لازم يهذبوا من نفسهم ويبقوا مطربين بجد، لكن الهبد والرزع اللي بيعملوه ده أنا ضده، وخاصة أن بعض الكلمات خارجة بطريقة مستفزة، خلوا الشباب بيعملوا زيهم، عايزين نرتقي بمجتمعنا مش ننزل بيه”.
وكان حسن شاكوش، كشف في حوار ببرنامج “واحد من الناس” في فبراير 2020، سبب شهرته باسم “شاكوش”، موضحا أن اسمه الحقيقي حسن منصور، لافتا إلى أنه كان لاعب كرة قدم في فريقي الإسماعيلي والمصرية للاتصالات سابقا، وكان لاعب جيد في مركز الدفاع، وأطلقوا عليه “شاكوش” لقوته وقدرته على التصدي للمهاجمين.
وأصدرت نقابة المهن الموسيقية، قرارا مؤخرا، بمنع 20 مغنياً من الغناء داخل مصر، وهم: حمو بيكا، حسن شاكوش، كزبرة وحنجرة،، حسن أبو الروس، مسلم، أبو ليلة، فيلو، أحمد موزة، حمو طيخة، ريشا كوستا، سمارة، شواحة، ولاد سليم، العصابة، الزعيم، علاء فيفتي، الكعب العالي، مجدي شطة، وزة، شكل، عمرو حاحا، وعنبة.
[ad_2]
