[ad_1]
01:43 م
الأحد 20 فبراير 2022
كتبت- منى الموجي:
قال الفنان عباس أبو الحسن، إنه لا يعرف فيما أخطأ الكاتب إبراهيم عيسى، قاصدا تصريحاته الأخيرة، والتي أحدثت جدلا كبيرا على مواقع التواصل الاجتماعي.
وكتب عباس على موقع “تويتر”: “مش فاهم إبراهيم عيسى غلط في إيه؟ مقالش غير إن الشيوخ يصدروا للعامة اعتقاداتهم الشخصية، ويحجبون كتب تراثية أخرى لها رأي مخالف وتشكك في قصة المعراج”.
وتابع “وأنهم يخفون تفصيلات هامة من تاريخ المسلمين الأوائل والخلفاء والصحابة ودي حقائق مؤكدة هو لا يدعيها. مقالش إن ده رأيه أو دعا إلى الإلحاد”.
الإعلامي إبراهيم عيسى كان قد قال في برنامجه المعروض على القاهرة والناس، إن المسلم في عام 2022 لا يحتاج لأي رجل دين أو شيخ في حياته، قائلاً: هيعلّمك إيه الشيخ؟، الصلاة والصوم؟ يعني أنت مش عارف الصلاة أو الصوم؟، صلي وصوم، هيعلمك إيه الشيخ؟ الزكاة؟ طيب أنت مش بتزكي، هيعلمك تحج إزاي؟، هناك فيه مطوف يعلمك تحج إزاي، هيعلمك إيه الشيخ؟، السلفيين عايزينكم كده متتبعين عورات وقيّمين على الناس ومفتشي قلوب وجلادين غلاظ النفوس”.
وأضاف عيسى، خلال تقديمه لبرنامجه “حديث القاهرة”، على قناة القاهرة والناس: القصص التي يقوم المشايخ بسردها على مستمعيهم تصل نسبة الكذب فيها لـ99%، لأنه بيقولك نُص الحقيقة، لما يقول لك عن عمر بن الخطاب، عدلت فأمنت فنمت يا عمر، وفرحان أوي بعدالة سيدنا عمر، حكالك إن عمر اتقتل بعدها؟، يبقى عدل فأمن فنام إزاي؟، عرفت إن الراجل اللي قال الكلمتين دول لعمر هو المتهم الأول بقتل عمر، إذن القصص كلها أنصاص مش حقيقية.
وتابع عيسى: طيب إيه رأيك إن مفيش معراج، هتصدق إن مفيش؟، وكل قصة إنه طلع السما وشاف الناس اللي في السما وشاف الناس في النار كل دي قصة وهمية كاملة، دي كتب السيرة والتاريخ والحديث هي اللي بتقول، لكن هو مصدّرلك الكتب والقصص اللي بتقول حصلت.
[ad_2]
