[ad_1]
كشفت الفنانة شيرين عبدالوهاب، عن تفاصيل عن تداعيات طلاقها من زوجها المطرب حسام حبيب.
وخلال مداخلة هاتفية مع برنامج “كلمة أخيرة” الذي تُقدمه الإعلامية لميس الحديدي، عبر شاشة “on”، مساء الثلاثاء، قالت: “أنا ست كنت عايشة مش راجل ولا بيتشغل ولا بيشوف أهله ولا صحابه.. مكنش بيعمل أي حاجة غير حب الامتلاك.. فضلت أدافع علشان الحب ده ينجح وأنا خدامة الراجل اللي بعيش معاه.. لقيت نفسي بدمر وشغلي اللي كان المفروض يخلصه ليه كله كان متعطل”.
وتابعت: “حسام حبيب إنسان مودي جدا.. أقسم بالله العظيم خسرني كل الناس.. خسرني أبويا وأمي وأختي وصحابي والسواق والشغالة.. كان فاكر الكل متآمر عليه.. لدرجة إنه حسسني إن الدنيا تآمرت إننا منبقاش مع بعض.. صدقته مع إن الحقيقة مش كده”.
وأكملت: “حسام حبيب لازم يتعالج نفسيا لإنه عنده حب امتلاك.. وعنده ابتزاز من كل شيء.. لو غنيت أو عملت فرح ناجح كان بينكد عليا.. يقولي إنتي كنتي ماسكة الولد كده ليه وليه حاضناه كده رغم إنه أد ابني”.
واختتمت شيرين: “لما عملت إعلان كويس جدا (لأحد البنوك) نكد عليا”.
The post شيرين عبدالوهاب لـ لميس الحديدي: حسام حبيب سرق عربيتي المرسيدس appeared first on موقع مصر الإخباري.
[ad_2]
