[ad_1]
أهدت النجمة اللبنانية نوال الزغبي أحدث أغانيها “الحفلة” للنجمة شيرين عبد الوهاب، خاصة بعد مداخلتها مع الإعلامية لميس الحديدي التي روت فيها تفاصيل أزمتها مع زوجها السابق الفنان حسام حبيب.
ردت نوال الزغبي على تدوينة أحد معجبيها يطالبها بإهدا الأغنية لشيرين، وكتب لها أنه من معجبي نوال لشيرين: “”فكّي أوعي تبقي مرة قافلة، واللي فات كأنه كله غفلة، فقتي منها خلاص، حفلة يللا حفلة يللا حفلة”، لترد عليه نوال كاتبة: “أكيد أحلى إهداء لشيرين.. وبقلا يا حبيبة قلبي (يا تعيشي لحدّ يصونِك، يا تعيشي لنفسك بس)”.
أنتِ أولا .. 5 نصائح قوية من نوال الزغبي للمرأة في كليب “حفلة”
نوال الزغبي كليب حفلةعلى جانب آخر، انتهت نوال الزغبي من تصوير أغنية “حفلة” على طريقة الفيديو كليب تحت إدارة المخرج اللبناني فادي حداد.
نوال الزغبي كليب حفلةوصورت أغنية “حفلة” في لبنان، واستغرق التصوير يومان، الأول داخل الاستديو، والثاني على البحر وسط أجواء مفعمة بالأجواء الحماسية التي تتناسب مع الأغنية، وهي من كلمات أحمد حسن راؤول وألحان أحمد زعيم.
يذكر أن شيرين عبد الوهاب تحدثت في مداخلة هاتفية عن أزمة جديدة بينها وبين حسام حبيب في مداخلة هاتفية مع الإعلامية لميس الحديدي، وقالت: أنا ست قاعدة في أمان الله مع عيالي بقالنا 4 سنين شايفين الويل سافرنا الساحل لمدة أسبوع علشان ننبسط بناتي نفسيتهم تعبانة وأنا كمان بناتي مبيعرفوش يقعدوا معايا، ظروفي كانت ظروف صعبة عايشة مع زوج مبيشتغلش ومبيخرجش كنت محبوسة 24 ساعة في أوضة نومي مبعملش حاجة قاعدة بس أنا غلطت في حق نفسي في حق شيرين عبد الوهاب، بس مش عيب أن الست المشهورة تبقى إنسانة متجوزة وتحاول تحافظ على بيتها زي أي ست، كنت فاكرة أني بحافظ على بيتي بس مكنش بيت، دا كان عشة فران، فار دخل المصيدة وأكل الجبنة لحد ما يموت أنا كنت عايشة العيشة دي.
حسام حبيب وشيرين عبد الوهابتابعت: قاعدة في الساحل لقيت تليفون جالي بسرقة عربية مرسيدس بتاعتي وكانت مكتوبة باسم حسام، سرق العربية وهي بأسمه، أنا عندي عربية عاليا أي حد عنده عربية عاليا بيجيب عربية للخروجات الكلاس، جبت عربية مرسيديس قولت يركبها حسام علشان عيب لو وقفه سيادة الضابط في الشارع يوريله الرخص يلاقيها باسم مراته فكان لازم تبقى باسمه جتني ستين نيلة على خيبتي، اتفق معايا بشهود أن في نفس الوقت هيعملي توكيل بالبيع علشان يضمن حقي، وكله طلع كلام في الهواء، دلوقتي بيهددني أن هيعمل محضر ضدي بسرقة العربية.
شيرين عبد الوهابوكشفت شيرين عبد الوهاب عن تفاصيل الأزمة التي حدثت وبسببها قامت بحلق شعرها وقالت: أحنا أطلقنا لما قصيت شعري طلاق بائن، وبعد ما هديت من الكارثة اللي حصلت حسيت أني لسه مش قادرة استغنى عنه وأني بحبه وليه مديلوش فرصة تانية، ليه ميبقاش في رحمة علاقة الجواز علاقة مقدسة لازم نشتغل ونحافظ عليها كنت بحبه وفكراه ابني مش جوزي، اهتميت بيه وعملت الاستديو علشان شغله واشتريت له كل الأغاني اللي تعجبه بشيكات باسمي علشان متروحش منه، في الآخر يتهمني اني تخينت وبقيت شبه أمي وعاوز واحدة حلوة افتخر بيها دا غير الخناقات اللي فيها ضرب وسحل على الأرض وشتيمة مفيش إنسانة تستحملها.
[ad_2]
