استعادت الفنانة يسرا ذكرياتها مع الفنان الراحل علاء ولي الدين الذي حلت ذكراه الـ20 أمس.
وحكت يسرا عن بعض المواقف التي جمعتها بعلاء ولي الدين موضحة أن علاقتها به علاقة صداقة قوية وقالت خلال مداخلة هاتفية مع برنامج “مساء dmc” من تقديم إيمان الحصري لتحكي عن موقف حدث قبل وفاته: علاء كان بتاع ربنا شي عجيب ويمكن دي أول مرة باقولها هو لما اشترى بيت جديد وكلنا جبناله هدايا قالي يا سيفا أنا مش هلحق أخش البيت دا، قولتله يا شيخ متقولش كده بعد الشر، وفعلا عمره ما دخل البيت كأنه كان عارف.
يسرا وعلاء ولي الدين في مشهد من “الإرهاب والكباب”وتابعت: هو كان تعبان بس مكنش عامل للتعب دا حساب، علاء كان نقي ونضيف وصاحب صاحبه مش راجل أناني، وكان شاطر وذكي في اختياراته كان عارف يختار إيه لنفسه والحالة الكوميدية اللي بيقدمها وبيختار مخرجين كبار بيعرفوا يقدموه.
نرشح لك: حلا شيحة تحدث ضجة بعد ظهورها مع بناتها بدون حجاب.. هكذا علق الجمهور (فيديو)
وأكملت: علاء ولي الدين كان بيعشق الشغلانة ومش مصدقين أن فات 20 سنة على وفاته، أنا مقدرتش أدخل المسرح بعد وفاته لحد النهاردة مع أني كنت بجري عشان أشوفهم وأقعد معاهم.
تحل الذكرى الـ20 لوفاة علاء ولي الدينوتحدثت عن علاقتها بعائلة علاء ولي الدين: مش قادرة أحكي الراجل دا كان بالنسبة لي إيه، أنا كنت أعرف والده ومامته هو بالنسبة ليا أخويا الصغير، لما أتوفى اتصدمت، أنا كنت بفضفض دايما معاه، وفي مرة قالي إنه متحانق مع مامته وأنا صالحتهم، فرحته كانت زي الطفل الصغير.
علاء ولي الدينيذكر أن علاء ولي الدين توفى يوم 11 فبراير 2003 عن عمر 39 عاما، بعد عودته من البرازيل التي صور فيها بعض مشاهد فيلم “عربي تعريفة” مع المخرج شريف عرفة، نتيجة لدخوله في غيبوبة سكر صباح أول أيام عيد الأضحى، وأثار خبر وفاته حالة من الصدمة، خاصة أنه في تلك الفترة كان يحظى بشعبية واسعة في الوطن العربي كأحد أهم نجوم الكوميديا في السينما والمسرح.
اقرأ أيضا:
جون سينا يثير الجدل بظهوره بمكياج وكعب عالي وملابس نسائية
جنسية نضال الشافعي تتصدر تريند جوجل
أول ظهور لـ علا غانم في المستشفى بعد إصابتها بارتجاج في المخ
النصب على محمد فؤاد في 12 مليون جنيه
لا يفوتك: تحليل النغمات مع عمك البات- تقييم أغنية أحمد جمال الجديدة “قسمة ونصيب”
حمل آبلكيشن FilFan … و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5
