[ad_1]
عبرت الفنانة إيمان السيد، عن انزعجها بسبب المضايقات التي تتعرض لها عند حديث البعض معها في موضوع عدم زواجها حتى الآن.
ونشرت “السيد” عبر حسابها الشخصي بموقع التواصل الإجتماعي فيسبوك:«أنا بتضايق لما حد يكلمني في موضوع الجواز ويقعد يقول لي معلش وكل شئ نصيب وكله بآوانه والـ 24 قيراط وكدا، لأن ببساطة دا اختياري».
وتابعت: «يعني تخيل مثلاً لو أنا عرفت أنك شخص نباتي وفجأة قعدت أقول لك: لا إله إلا الله ماتزعلش كل شئ نصيب ومين عارف يمكن بكرة شايل لك تلاتة كيلو بوفتيك، أظن مش منطقي».
سبب عدم زواج إيمان السيد
كانت الفنانة إيمان السيد، كشفت عن سبب عدم زواجها، خلال استضافتها ببرنامج «ليلة الخميس»، المذاع على «MBC مصر»، وتقدمه الإعلامية ياسمين عز، بتاريخ 4 فبراير 2021، قائلة إن الزواج لم يكن هدفها في الحياة، «معنديش مشكلة في الوقت، وقت ما أحس نفسي نفسيًا مؤهلة، وإن ده البني آدم اللي عاوزة أكمل حياتي معاه، هاتجوز».
وعن مواصفات فارس أحلامها، قالت الفنانة إيمان السيد، «مبقاش فيه مواصفات زي زمان محددة، كل ما الإنسان بيكبر الموصفات بتختلف، المهم يكون تفكيرنا قريب من بعض، ويكون إنسان في العموم كويس، الراحة النفسية أهم حاجة بردو، مقدرش أتجوز واحد نكدي أعوذ بالله، بس كل ما تبقى الحاجة تلقائية وطبيعية بتوصل للناس زي التمثيل».
واختتمت: «أعوذ بالله متجوزش واحد نكدي، ومش شرط أتجوز واحد كوميدي، المشكلة الناس لما بتشوف كوميديانة بتحاول تستظرف، أنا دايما يقول لو دمك مش خفيف متعارضش إرادة ربنا، خفة الدم زي التمثيل، لازم تبقى تلقائية وخفيفة بلاش استظراف».
[ad_2]
