[ad_1]
تخرج فى كلية الآداب قسم علم النفس جامعة الإسكندرية، لكنه وجد نفسه قادرا على تقديم إبداع خاص من خلال الكروشيه مستخدما أدوات بسيطة، ليدمج الكروشيه بعلم النفس، مستغلا تخصصه فى الكشف عن طبيعة عملائه ونفوسهم والألوان والأشكال التى يميلون إليها، ليبدأ من تلك النقطة مؤمن عواد، مشروعه بـ 12 جنيها فقط منذ 7 سنوات لتصل متوسط قيمة منتجاته لـ 200 جنيه.
يقول مؤمن عواد ذو الـ25 عاما، لـ«الأخبار»: «الفكرة جت لما شوفت حد بيشتغل كروشيه وحبيت أجرب، وأول حاجة اشتريتها بكرة خيط كانت بـ 12 جنيها تقريباً من 7 سنين، وأول منتج اتعمل للبيع كانت تكلفته 35 جنيها وتم بيعه بـ 70 جنيها، وطورت الفكرة عن طريق التعليم الذاتى ومجهودات الناس الى حواليا اللى كانوا بيشتغلوا ساعتها».
ويضيف مؤمن: «المنتجات بتكون الأسعار فيها متفاوتة على حسب الحاجة والخامة والشغل نفسه بس لو هنتكلم فى المتوسط ف 200 جنيه ببيع أونلاين، وأحلامى المستقبلية أن يكون هناك محل مخصص للهاند ميد وديفليه خاص بالكروشيه والرسالة توصل أن الفن مش حكر على جنس معين».
ويؤكد مؤمن: «الدراسة مكانش لها تأثير قوى إلا فى حاجات بسيطة زى مثلاً اختيار الألوان بالنسبة لى أنا، أو العمل لما بيختاروا ألوان اقدر افهم شخصياتهم او جزء من شخصياتهم.. وعن تشجيع أسرته يقول : التشجيع كان كبيرا اللى هو كمل عادى ايه المشكلة انه كروشيه طالما بتحبه.
واختتم مؤمن بأن أسباب حبه للكروشيه فكرة المنتج الذى يظهر للنور من خلال خيوط لا ملامح لها بمفردها وهو ما جعله يحب «الهاند ميد» أيا ما كان.
[ad_2]
