[ad_1]
11:42 م
الثلاثاء 24 أغسطس 2021
كتب- محمد أبوالمجد:
علقت الفنانة منى زكي، على ظهور جزء من طفولتها ظهرت في بعض أعمالها، قائلة: “أنا مش كيوت خالص وبستغرب الناس شايفاني كده ازاي”، مضيفة: “الاستاذ سمير عصفوري اداني القماشة بتاع شخصيتي في مسرحية كدة أوكية، وشخصية شربات فعلًا موجودة، وجه في دماغي الدادة بتاعت خالتي”.
وأضافت “زكي” في حوارها لبرنامج “صاحبة السعادة” على فضائية “دي إم سي” اليوم الثلاثاء: “الفنان شريف منير كان بيفرشلي الافيه في مسرحية كدة أوكية، وكان بالنسبة لي هو اللي بيسندني في الشخصية بتاعتي”، موضحة: “كل ما بشتغل معاه بتبسط أوي، لأنه خطير ومش لازم يكون بطل العمل لكنه بيشيل المَشاهد للممثل اللي معاه”.
وتابعت: “جملة أنا عايزة أمثل يسعدك، هي أول جملة بنينا عليها شخصية شربات في المسرحية”، موضحة: “لما عملت مسرحية عفروتو كنت محتاسة، وبعدها ابتديت أفهم كتير عن المسرح، لأن كان معايا ناس عظيمة زي الفنان الراحل حسن حسني وماجدة زكي ومحمد هنيدي”، مؤكدة: “لما بدأت أعمل مسرحية كدة أوكية بقيت عارفة أقول إفيه على الهواء، ونرتجل فيه لمدة طويلة، واتعلمته ونفذته في المسرحية”.
[ad_2]
